Dhuna kundër tifozëve të izraelit, Amsterdami merr vendimin të ndalojë tubimet

Amsterdami ka ndaluar të gjitha demonstrata në kryeqytetin holandez për tre ditë, duke filluar nga e premtja, pas përplasjeve mes tifozëve të futbollit dhe protestuesve, një  në një dhunë që u dënua gjerësisht nga liderët europianë si antisemitizëm.

Policia holandeze tha se pesë persona u dërguan në spital dhe 62 u arrestuan pas sulmeve që “i kishin targetuar sistematikisht tifozët izraelitë”. Tifozët ishin në Amsterdam për të ndjekur një ndeshje të Ligës së Evropës mes ekipit izraelit Maccabi Tel Aviv dhe skuadrës holandeze Ajax.

Dhjetë nga të arrestuarit, dy prej të cilëve janë të mitur, mbeten në paraburgim. Kryeministri izraelit Benjamin Netanjahu dhe homologu i tij holandez, Dik Shof, dënuan sulmet si antisemitike. Schoof tha se ndiente “turp” për atë që kishte ndodhur. Presidentja e Komisionit Europian, Ursula von der Leyen, e quajti dhunën “shokante” dhe tha se kishte biseduar me Schoof.

Dhuna në Amsterdam shpërtheu të enjten para ndeshjes dhe vazhdoi pas saj, e cila u fitua nga Ajax me rezultatin 5-0. Kreu i policisë së Amsterdamit tha se tifozët e Maccabi Tel Aviv kishin djegur një flamur palestinez dhe kishin sulmuar një taksi një ditë para ndeshjes.

Përpara ndeshjes, një flamur palestinez u hoq nga një ndërtesë në qendër të qytetit dhe policia e trazirave bllokoi mbështetësit pro-palestinezë që të marshonin drejt stadiumit. Video të postuara në rrjetet sociale treguan kaos nëpër rrugët e Amsterdamit, me burra që shkelmonin njëri-tjetrin dhe sirenat duke ulëritur.

LEXONI GJITHASHTU:

• I mori përmes mashtrimit 42 mijë euro një gruaje, arrestohet 27-vjeçari
• Zbulimi i artefakteve ilire në Strugë, denoncon historiania: Po paraqiten si helene