Një 27-vjeçar nga Gjirokastra është arrestuar pasi dyshohet se përvetësoi 42 mijë euro nga një grua përmes mashtrimit.

Operacioni policor i koduar “Porosia” u zhvillua nga Seksioni për Hetimin e Krimeve Ekonomiko-Financiare dhe Policisë Sarandë, pas një hetimi katër-mujor me metoda proaktive dhe në bashkëpunim me Prokurorinë e Gjirokastrës.

I arrestuari, shtetasi A. K., banues në fshatin Picar, u ndalua për veprat penale “Mashtrimi” me pasoja të rënda dhe “Mbajtja pa leje e armëve të gjuetisë dhe sportive”, pasi gjatë kontrollit në automjetin e tij, policia gjeti dhe sekuestroi një pistoletë sportive të palicencuar.

Materialet e hetimit i janë dorëzuar Prokurorisë së Gjykatës së Shkallës së Parë Gjirokastër për procedura të mëtejshme.

LEXONI GJITHASHTU:

• Mashtrime mijëra euro me rezervime turistike false, arrestohen të rinjtë në Tiranë
• Vodhi 2 automjete me anë të mashtrimit, arrestohet 26-vjeçari në Elbasan