Një 26-vjeçar është vendosur në pranga nga Policia në Elbasan këtë të martë për shkak se ishte shpallur në kërkim pasi kishte marrë me qira 2 automjete, me anë të mashtrimit.

Sipas njoftimit të Policisë, bëhet fjalë për shtetasin me iniciale H. K., 26 vjeç, banues në fshatin Bilisht, i cili:

-më datë 27.09.2024, në qytetin e Elbasanit, në subjektin për dhënien e automjeteve me qira, në pronësi të shtetasit A. K., ka marrë me qira një automjet duke bërë vetëm një pjesë të pagesës, por më pas nuk e ka kthyer automjetin siç parashikohej në marrëveshjen me shtetasin A. K.;

-më datë 01.10.2024, në qytetin e Elbasanit, në subjektin për dhënien e automjeteve me qira, në pronësi të shtetasit E. M., ka marrë me qira një automjet duke bërë vetëm një pjesë të pagesës, por më pas nuk e ka kthyer automjetin siç parashikohej në marrëveshjen me shtetasin E. M..

2 automjetet që kishte marrë 26-vjeçari në këto 2 subjekte janë gjetur dhe janë sekuestruar nga Policia.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

LEXONI GJITHASHTU:

• Mashtrime mijëra euro me rezervime turistike false, arrestohen të rinjtë në Tiranë
• Përfshihet nga flakët apartamenti në Elbasan