“Më mori 5 mln lekë” Pendohet në gjykatë 41-vjeçari që plagosi gruan në Korçë: E dua
Gjykata e Korçës ka lënë në burg pa afat Ilir Çamin, 41 vjeçarin i cili akuzohet për “Vrasja me dashje” e mbetur në tentativë.
Tre ditë më parë Çami në vendin e quajtur “Trekëndëshi” në një lagje periferike të qytetit të Korçës, goditi me thikë ish të dashurën Mandarina Çela, duke e lënë të plagosur rëndë por jashtë rrezikut për jetën
Prokuroria me provat e paraqitura ka bindur gjykatën të lërë në burg 41 vjecarin nga fshati Vithkuq, i cili kishte vetëm pak kohë që ishte kthyer nga emigracioni.
Në deklaratën e dhënë para policisë por edhe gjykatës, Ilir Çami është shprehur se pasi mbaroi masën e arrestit në shtëpi, ishte larguar drejt Greqisë dhe përsëri kishte komunikuar nëpërmjet telefonit me Mandarina Çelën.
Ditët e fundit ajo i kishte kërkuar shkëputjen e marrëdhënies, por një gjë e tillë nuk është pranuar nga ana e 41-vjeçarit.
Sipas mbrojtjes, gjatë seancës gjyqësore, Ilia Çami ka shprehur pendesë për plagosjen por ka ngritur pretendimin se Mandarina Çela ka përfituar prej tij shuma monetare në periudha të ndryshme kohore, që arrinin deri në 5 milionë lekë të vjetra.
Gjatë seancës ai ka shpjeguar se arsyeja e konfliktit ka qenë pikërisht fakti se Mandarina nuk i kthente paratë që i kishte marrë.
Pavarësisht të gjithave ai ka thënë se është ende i dashuruar me Çelën.
Ilir Çami ka qenë në një bashkëjetesë në Greqi por i divorucuar se fundmi ndërsa Mandarina Çela është nëna e tre fëmijëve, e martuar rreth 15 vite më parë.
LEXONI GJITHASHTU:
Një mbeti i vrarë dhe tjetri u plagos, zbardhen emrat e efektivëve që u qëlluan me armë në Maliq
Vrasja e policit në Korçë, kush është autori dhe si hapi zjarr ndaj efektivëve pasi i pikasi
Vritet një polic gjatë një operacioni në Maliq, plagoset një tjetër
- 08:50 Një mbeti i vrarë dhe tjetri u plagos, zbardhen emrat e efektivëve që u qëlluan me armë në Maliq
- 08:43 Dhoma e Përfaqësuesve miraton masën për t’i dhënë fund luftës në Iran
- 08:40 Partia Demokratike në pushtet fiton zgjedhjet lokale në Korenë e Jugut
- 08:35 Vrasja e policit në Korçë, kush është autori dhe si hapi zjarr ndaj efektivëve pasi i pikasi
- 08:30 Kina ndalon hyrjen e katër deputetëve të Zelandës së Re pas vizitës në Tajvan
- 08:27 Protesta e studentëve kundër masave shtrënguese në Kili, 25 të plagosur nga përleshjet