Tentoi të fuste në Shqipëri mbi 680 mijë euro të padeklaruara, arrestohet 51-vjeçari

Policia në pikën kufitare të Muriqanit ka arrestuar një person i cili ka tentuar të fusë në vendin tonë, pa i deklaruar një shumë prej 680 595 eurosh.

Gjatë operacionit të koduar Burimi u kap në hyrje të Shqipërisë dhe u arrestua shtetasi L. N., 51 vjeç, banues në Fushë Milot.

Nga kontrollet në vijë të dytë, në automjetin që drejtonte ky shtetas, u gjetën në 2 hapësira të modifikuara në dyert e pasme, 680 595 euro, të cilat ky shtetas synonte t’i fuste ilegalisht në Shqipëri. Vijojnë hetimet për të provuar burimin e parave.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

LEXONI GJITHASHTU:

• Tentoi të korruptonte me 50 euro policin në Kosovë, arrestohet gruaja nga Shqipëria
• Shkaktoi aksidentin me dy viktima në Tepelenë, arrestohet 61-vjeçari