Me flamuj kuqezi dhe këngë patriotike, shqiptarët e RMV drejt Tiranës për Kombëtaren

Ndeshja Shqipëri-Çeki ka shkaktuar një fluks të madh në pikën e kalimit kufitar të Qafë Thanës, ku qindra tifozë shqiptarë, kryesisht nga Tetova, Struga dhe Kumanova, janë drejtuar drejt Tiranës për të ndjekur ndeshjen e kombëtares shqiptare.

Me flamuj kuqezi mbi makina dhe këngë patriotike, tifozët presin në radhë për të kaluar në Pikën Kufitare dhe për t’u drejtuar drejt Tiranës për të parë ndeshjen.

Tifozët shqiptarë të Maqedonisë së Veriut janë ndër më besnikët e kombëtares, pasi ata e mbështesin atë në çdo ndeshje, duke e konsideruar si kombëtaren e zemrës.

Kombëtarja shqiptare ka përfunduar përgatitjet, dhe mbrëmjen e kësaj të shtune në orën 20:45, zbret në fushë në Air Albania, ku do të përballet me Çekinë, në ndeshjen e parafundit të Ligës së Kombeve.

Aktualisht, renditja në grupin B1 ku ndodhet Shqipëria është si më poshtë:

• Çekia – 7 pikë
• Gjeorgjia – 6 pikë
• Shqipëria – 6 pikë
• Ukraina – 4 pikë

Situata në grup është kritike, ku të gjitha ekipet kanë mundësi të dalin në vendin e parë ose të fundit.

LEXONI GJITHASHTU:

• Grumbullohet Kombëtarja, Strakosha e Fetai analizojnë sfidat: Na presin 2 finale
• Ndeshja kundër Çekisë, kuqezinjtë besojnë te fitorja: E njohim mirë kundërshtarin