Rama takim në Londër, premton regjistrimin e fëmijëve të emigrantëve nga Kosova

Kryeministri Edi Rama u ndal në Londër, për të kërkuar votën e shqiptarëve që jetojnë në Britaninë e Madhe. Në fjalën e tij, ai premtoi edhe një zgjidhje ligjore për regjistrimin e fëmijëve të emigrantëve që 25 vjet më parë u hynë në ishull me identitet kosovar.

Kryeministri Edi Rama zgjodhi Londrën në turin e radhës me Diasporën. Në fjalën e tij, ai premtoi një zgjidhje ligjore për regjistrimin në Shqipëri të emigrantëve që 25 vjet më parë, ikën me identitet të fshehur si qytetarë të Kosovës.

 “Disave prej jush u është dashur të fshehin identitetin e tyre disa të bëjnë punë që nuk i kishin parë as në ëndrrën më të keqe dhe të tjerë kalojnë vështirësi për regjistrimin e fëmijëve bë Shqipëri. Së shpejti do të ndërmarrim një nismë ligjore për regjistrimin pa telashe në Shqipëri të të gjithë fëmijëve të prindërve që u regjistruan si kosovarë këtu në Angli”.

Rama kërkoi nga bashkatdhetarët e tij në Britaninë e Madhe ta mbështesin me votë Partinë Socialistet në zgjedhjet e ardhshme, si alternativën më të mirë që ka Shqipëria sot për sot.

“Pranverën e ardhshme, e dua votën për t’ju bërë krenarë dhe për ta bërë bashkë me ju Shqipërinë edhe më të mirë”

Përveç mbështetësve, në sallën ku mbajti fjalën, Rama u përball në fillim të takimit edhe me disa zëra kundër të cilët thirrën “Rama Ik” dhe “Hajdut”, por u larguan nga personeli i sigurisë.

LEXONI GJITHASHTU:

• “Na quajtën pushtues”, Rama takim me shqiptarët në Londër: Po punoni me djersë
• Rama takim me diasporën në Londër, dhjetëra shqiptarë protestojnë