Reshje të dendura dëbore, Policia Rrugore apelon për kujdes

Zonat veriore dhe juglindore të vendit janë përfshirë nga reshje të dendura të dëborës këtë të shtunë dhe kjo është bërë shkas për fillimin e problematikave në disa akse rrugore si në Rrugën Kombit, Bulqizë dhe zona të tjera malore.

Policia e Shtetit apelon drejtuesit e mjeteve për kujdes të shtuar, paisjen me goma dimërore të automjeteve dhe ndjekje të udhëzimeve të Policisë Rrugore, duke theksuar se efektivët janë në krye të detyrës duke monitoruar situatën dhe për momentin të gjitha akset rrugore janë të kalueshme.

APEL PËR MË SHUMË KUJDES

Duke marrë shkas nga reshjet e dendura të dëborës në Rrugën e Kombit, në Bulqizë dhe në disa akse të tjera malore të vendit, Policia e Shtetit apelon për KUJDES TË SHTUAR për drejtuesit e automjeteve dhe motomjeteve, që të bëjnë kujdes në lëvizje, të respektojnë sinjalistikën rrugore, të reduktojnë shpejtësinë, të pajisen me zinxhirë dhe goma dimërore, dhe të ndjekin udhëzimet e shërbimeve të Policisë Rrugore.

Firma koncesionare dhe ato kontraktore janë në terren në Rrugën e Kombit dhe në akset e tjera ku ka reshje dëbore dhe po vijojnë pa ndërprerje punën për pastrimin e rrugëve nga bora,  për shpërndarjen e kripës.

Deri në këto momente nuk ka asnjë aks rrugor të bllokuar.

Në rast nevoje, telefononi në numrin pa pagesë 112 dhe shërbimet e Policisë do t’ju vijnë menjëherë në ndihmë.

LEXONI GJITHASHTU:

• Reshjet e dëborës, bllokohet aksi Strugë-Qafë Thanë
• Temperaturat bien në zero, përfshihet nga bora juglindja e vendit