Sondazhi për deputetët, Klosi: Ka ikur koha e individit, rëndësi ka forca politike

Sekretari i Përgjitshëm i PS-së, Blendi Klosi foli në Euronews Albania në lidhje me sondazhin e Datacentrum dhe Barometri lidhur me vlerësimin e qytetarëve për deputetët.

Ai u shpreh se ka marrë fund koha e deputetit si individ pasi rëndësinë dhe rolin kryesor e ka forca politike, duke theksuar sipas tij se një deputet nuk mund të bëjë asgjë pa mbështetjen e partisë.

“Nuk është logjike që dikush të premtojë gjëra personale, që do bëj këtë dhe do bëj atë. Nuk e bën dot, e bën forca politike e tij, pra është shumë e vështirë që ti të fitosh një zonë elektorale ose një mandat deputeti nëse ti si forcë politike e bazon gjënë me individin.  Njerëzit nuk votojnë më për emrin, por votojnë për partinë politike, prandaj ka ndryshuar koncepti i të qenit deputet. Jo për ta ulur figurën e deputetit, por ky është realiteti, dhe në fund fare përgjegjësia është e forcës poltike dhe jo e individit.

LEXONI GJITHASHTU:

• Deputetët tërësisht të shkëputur nga qytetarët
• “Deputeti kontrollon zonën”, Krasniqi: Jemi në modelin politik të Al Capones