Humb jetën punonjësja e policisë në Tiranë, u rrëzua te Piramida

Një ngjarje tragjike ka ndodhur këtë të martë, ku një punonjëse e policisë ka ndërruar jetë në spitalin e Traumës. Viktima është identifikuar si Alesia Lumi, 22 vjeçe, e cila disa ditë më parë kishte pësuar një aksident të rëndë pranë Piramidës në Tiranë, jashtë orarit të shërbimit.

E reja kishte marrë dëmtime serioze në kokë si pasojë e rrëzimit aksidental dhe u shtrua në shërbimin e Neurokirurgjisë për trajtim. Fatkeqësisht, për shkak të një hemorragjie të rëndë, ajo nuk arriti të mbijetonte.

Alesia Lumi kishte vetëm dy muaj që ishte bërë pjesë e radhëve të Policisë së Shtetit dhe shërbente pranë Komisariatit të Kamzës.

LEXONI GJITHASHTU:

• Sherri mes adoleshentëve te “Asllan Rusi”, reagon policia: Janë proceduar 3 të mitur
• Vrasja e Martin Canit, autori në Apel, kërkon masë më të butë se arresti në burg