Tre tërmete të njëpasnjëshme godasin Greqinë

Një tërmet me magnitudë 4.8 të shkallës Rihter ka goditur Greqinë mëngjesin e kësaj të premteje, duke shkaktuar shqetësim tek banorët e zonës.

Sipas Qendrës Sizmologjike Euro-Mesdhetare (EMSC), epiqendra e tërmetit është regjistruar në veri të vendit, në afërsi të malit Athos, një zonë e njohur për rëndësinë e saj historike dhe fetare. Thellësia e tërmetit vlerësohet të ketë qenë rreth 4 kilometra.

Mediat greke raportojnë se ky ishte tërmeti i tretë i regjistruar në po të njëjtën zonë brenda pak orësh, duke ngritur shqetësime për aktivitet të shtuar sizmik në këtë rajon.

Deri në këto momente, nuk ka ende informacione zyrtare për dëme materiale apo të lënduar nga lëkundjet. Autoritetet greke janë duke monitoruar situatën.

LEXONI GJITHASHTU:

• Pesë vite nga tërmeti i 26 nëntorit, buxheti ka ende 50 mln euro
• Tërmeti i fuqishëm godet Turqinë