Dyshohet se vrau 4 anëtarët e familjes së tij, arrestohet në New Mexico 16-vjeçari

Policia ka arrestuar një djalë 16-vjeçar në lidhje me vrasjen e katër anëtarëve të familjes së tij në një zonë rurale në shtetin amerikan të New Mexico, njoftuan sot autoritetet.

Sipas policisë, viktimat u qëlluan për vdekje në shtëpinë e tyre në rrethin e Valencias, raportoi AP. Emri i adoleshentit të arrestuar nuk bëhet i ditur pasi ai është i mitur.

Zëdhënësi i policisë Ray Wilson tha se i dyshuari ishte shumë i dehur dhe ishte dërguar në spital për detoksifikim.

Pasi të lirohet nga spitali, ai do të dorëzohet në një qendër paraburgimi për të mitur dhe do të akuzohet për katër akuza për vrasje, tha Wilson.

Sipas autoriteteve, djali ka telefonuar policinë natën e së shtunës dhe të dielës dhe ka thënë se ka vrarë të gjithë familjen e tij.

Me të mbërritur policia në vendin e ngjarjes, i dyshuari ka dalë nga shtëpia me duar lart dhe është dorëzuar pa rezistencë.

Oficerët e policisë gjetën katër trupa të pajetë dhe një armë në tryezën e kuzhinës në shtëpi, tha AP.

LEXONI GJITHASHTU:

• Moska evakuon “një pjesë” të personelit të saj diplomatik nga Siria
• Kryediplomati i BE: Sanksionet e Sirisë s’mund të hiqen pa u garantuar të drejtat