Sonda Parker e NASA-s synon rekord historik duke iu afruar Diellit

Një anije kozmike e NASA-s, sonda diellore Parker, po përpiqet të realizojë afrimin më të afërt ndonjëherë me Diellin, duke u zhytur në atmosferën e tij të jashtme.

Sonda përballet me temperatura ekstreme prej 1,400°C dhe rrezatim të fuqishëm, ndërsa pritet të dërgojë një sinjal më 27 dhjetor për të konfirmuar mbijetesën e saj.

Kjo është vizita e 21-të e sondës, e cila këtë herë do të afrohet në një distancë rekord prej 6.2 milionë kilometrash nga sipërfaqja e Diellit. Pavarësisht mburojës speciale prej karboni dhe shpejtësisë ekstreme prej 700,000 km/h, misioni është një sfidë e madhe për shkencëtarët e NASA-s.

Misioni duhet të ndihmojë gjithashtu shkencëtarët që të kuptojnë më mirë erën diellore – rrjedhën e vazhdueshme të grimcave të ngarkuara që shpërthejnë nga korona.

Kur këto grimca ndërveprojnë me fushën magnetike të Tokës, qielli ndizet me aurora verbuese.

Sonda Parker, e lançuar në vitin 2018, synon të zbulojë sekrete të reja mbi funksionimin e Diellit, një objektiv që kërkon guxim dhe teknologji të jashtëzakonshme.

LEXONI GJITHASHTU:

• Miliarder dhe mik i Musk, Trump zgjedh astronautin Isaacman për të drejtuar NASA-n
• Anija kozmike Boeing Starliner rikthehet në Tokë pa austronautët