Rusia merr në mbrojtje Serbinë: Protestat në Beograd të paguara nga Perëndimi

Zëdhënësja e Ministrisë së Punëve të Jashtme ruse, Maria Zakharova, thotë se shtetet perëndimore po planifikojnë të destabilizojnë Serbinë dhe se të frymëzuara nga “revolucionet me ngjyra” po bëjnë presion mbi autoritetet legjitime.

Ajo shtoi se autoritetet e përkohshme në Prishtinë, me mbështetjen e SHBA-së dhe BE-së, po krijojnë kushte të padurueshme për popullatën serbe në Kosovë, duke tentuar t’i dëbojnë ata, duke e penguar “Listën Serbe” të marrë pjesë në zgjedhje.

“Përpjekjet e Perëndimit kolektiv për të ndezur situatën në vend, duke përdorur teknikat e një “grusht shteti të stilit Maidan” janë të dukshme”, shtoi ajo. “Reagimi i vetëm i mundshëm është t’i përmbahemi germës dhe frymës së kushtetutës së vendit dhe të respektojmë zgjedhjen e popullit serb që votoi për interesat kombëtare të vendit të tyre”, përfundoi Zakharova.

Edhe presidenti serb Vuçiç ka akuzuar se protestat e organizuara në Beograd janë të paguara nga Perëndimi.

Mijëra qytetarë u mblodhën të dielën në atë që shihet si protesta me e madhe në historinë e Serbisë me thirrje kundër Vuçiç dhe qeverise se tij.

Ishte pikërisht shembja e çatise se stacionit hekurudhor në qytetin verior te Novi Sad ne fillim të nëntorit, që la te vdekur 15 persona.

Një pjesë e madhe e opinionit publik dhe protestuesit, fajësojnë për fatkeqësinë korrupsionin e përhapur në qeverinë Vuçiç dhe punimet e dobëta në ndërtesën e stacionit hekurudhor, që u rinovua dy herë në vitet e fundit.

LEXONI GJITHASHTU:

• MPJD: Serbia refuzoi kërkesën për vizitën e Sveçlës në Luginë të Preshevës
• Deputeti shqiptar në Serbi: Çfarë do të ndodhë po Vuçiç fitoi betejën me qytetarët