Nuredin Dumani rrëfen në gjyq lokalin që frekuentohej nga ministra dhe politikanë

Vijon me dyer të mbyllura dëshmia maratonë e Nuredin Dumanit, vrasësit me pagesë, sot bashkëpunëtor i drejtësisë në procesin gjyqësor për dosjen “Plumbi i Artë”. Dumani ka rrëfyer disa episode kriminale që janë renditur në dosjen e SPAK, si dhe ka vijuar përplasja mes tij dhe të pandehurve apo avokatëve në proces. Dumani deklaroi se me Festim dhe Petrit Qolin është bërë mik në vitin 2013 e në vazhdim, pasi ata paguan avokatin dhe ndërhynë në sistemin e drejtësisë për ta nxjerrë nga burgu me një raport mjekësor si i sëmurë.

Nuredin Dumani deklaroi se lokali i Qolëve frekuentohej nga politikanë dhe ministra, por pa përmendur emra. Nga ana tjetër, Gentjan Sharra ka kundërshtuar një dëshmi të Dumanit, teksa ky i fundit e implikoi në një ngjarje kriminale, pasi në deklarimet fillestare para prokurorëve nuk e kishte përmendur.

Ndërkohë, Petrit Qoli, që seancën e kaluar tha se po mbahet në burg pa të drejtë duke lënë jashtë një grua që e dashuron, në seancën e kësaj të enjteje tha se do të lutet për dy prokurorët e SPAK, të cilët i konsideron si anëtarë të familjes.

LEXONI GJITHASHTU:

• “Je krijesa më e shpifur që kam njohur”- Dëshmon në GJKKO Dumani, përplasje në gjyq
• Dumani “dorëzon” vëllanë para drejtësisë: Bashkëpunëtor në masakrën e Bradasheshit