Panik për Armando Brojën! I vendosin maskë oksigjeni, largohet nga fusha mes lotësh

Fati nuk është me futbollistin Armando Brojën, pasi sulmuesi shqiptar  dëmtohet menjëherë sapo u kthye nga një dëmtim tjetër.

Në ndeshjen e kundër Peterborough, 23-vjeçari shqiptar u fut si zëvendësues, teksa në minutën e 82’ të takimit, pas një ndërhyrje të rrezikshme nga mbrojtësi kundërshtar, ai u rrëzua në tokë.

Kjo gjë shkaktoi panik në stafin mjekësor të Everton, të cilët, sipas mediave angleze, u detyruan që t’i vendosnin për një moment edhe maskën e oksigjenit.

Pas shumë minutash, Broja u detyrua të dilte me barelë nga fusha e lojës, i cili u zëvendësua në minutën e 89’ të takimit, ndërsa sulmuesi shqiptar nuk i mbajti dot lotët.

Ky duket dhe si një lajm i keq për Kombëtaren shqiptare dhe Sylvinhon, të cilët presin menjëherë një lajm nga stafi mjekësor i Everton, nëse do të mungojë aq gjatë sa të humbasë dhe dy sfidat e marsit me Anglinë dhe Andorrën.

LEXONI GJITHASHTU:

• Broja bujë në mediat britanike, vlerësohet për paraqitjen ndaj Man Cityt
• Vlerësohet më lart se Haaland, Broja spikat kundër City-it, nxjerr blof Phill Foden