Zyrtare, Ibrahimoviçi shqiptar prezantohet nga Lazio

Arijon Ibrahimovic, mesfushori i talentuar i Bayern Munichut, mbërriti në aeroportin Fiumicino të Romës, ku u prit nga një grup tifozësh entuziastë të Lazio.

Lajmi vjen ndërkohë që Ibrahimovic është gati për të përfunduar një huazim te Lazio, pasi ka pasur një sezon të suksesshëm me Frosinone në Serie A.

Vetëm një muaj më parë, Ibrahimovic mbushi 19 vjeç dhe tashmë është një emër i njohur në futbollin italian. Ai do të kalojë në Lazio për të vazhduar karrierën e tij dhe për të shtuar më shumë përvojë në një kampionat të njohur, pas një sezoni si i huazuar në Frosinone.

Transferimi i tij pritet të jetë një marrëveshje huazimi me opsion për blerjen për 8 milionë euro, ndërkohë që Bayern Munich mund të ruajë një klauzolë rikthimi të caktuar në 20 milionë euro.

Në momentin që Ibrahimovic arriti në aeroport, ai mori një shall të Lazio dhe pozoi për disa foto me tifozët dhe mediat, përpara se të largohej për t’u përgatitur për testet mjekësore.

Kjo lëvizje e Ibrahimovic tregon besimin e Lazios në mundësitë e tij dhe ambiciet e klubit për të përforcuar mesfushën e tij me një nga talentet më premtues të futbollit europian.

Futbollisti me origjinë nga Kosova, Arijon Ibrahimoviç u bë në vitin 2023 lojtari i parë i lindur në vitin 2005 (11 dhjetor) që realizon gol në Serinë A italiane, njofton gazetari sportiv italian, Giuseppe Pastore.

Me golin e shënuar në fitoren 2-1 ndaj Empolit, futbollisti i Frosinones theu rekordin si futbollisti më i ri që ka shënuar në elitën e futbollit italian, pas futbollistëve, si Romero, Afena Gyan, Diallo, Pellegri e Kean, të cilët kishin shënuar, mirëpo si futbollistë të lindur në vitet 2004, 2003, 2002, 2001 e 2000.

LEXONI GJITHASHTU:

• Asllani i prekur: U ekzagjerua me kritikat ndaj meje pas derbit, por jam mësuar
• Alban Bushi rinovon kontratën si trajner i Kombëtares U-21 deri në vitin 2026