Situata e motit: Dëbora “paralizon” zonat malore, akset kombëtare të kalueshme

Temperaturat e ulëta që kanë mbërthyer vendin në fundjavë, kanë krijuar vështirësi në qarkullim dhe izolim të disa fshatrave në lindje të vendit. Reshjet e dëborës kanë arritur deri në 70 cm në zonat malore, ndërsa temperaturat nën zero kanë krijuar edhe ngrica.

Probleme raportohen edhe në Kukës, të krijuara nga erë të fortë e cila shtyn dëborën në rrugë, duke vështirësuar kalimin. Edhe Shkodra po vuan një situatë të ngjashme, ku rrugët janë të kalueshme me zinxhirë.

Në Qarkun e Elbasanit, janë bllokuar rrugët që lidhin Njësinë Administrative Labinot-Mal, ndërsa në Librazhd, një pjesë e mirë e rrugëve rurale që lidhin fshatrat me njësinë administrative janë të bllokuara, ndërkohë që një situate e ngjashme paraqitet edhe në Prrenjas e gramsh.

Gjatë natës, edhe Korca është paralizuar nga dëbora dhe erat e forta, ndërsa bashkitë po punojnë për hapjen e rrugëve dytësore. Për situatën e krijuar, në 77 shkolla të vendit është pezulluar mësimi, ndërsa  emergjencat janë në terren për të ndihmuar në hapjen e rrugvë.

LEXONI GJITHASHTU:

• Emergjencat civile njoftim për qytetarët, akset problematike dhe parashikimi i motit
• “Temperatura shumë të ulta e ngrica në rrugë”, meteorologu tregon kur ngrohet moti