“100 mijë votues ndryshojnë balancën e pushtetit” – Paralajmërimi i fortë i Hilës

Analisti Dritan Hila tha në emisionin Now në Euronews Albania se vota e diasporës mund të ndryshojë balancën e votimit në zgjedhjet e 11 majit.

Sipas tij, në diasporë është më e organizuar PS, që ka prej vitesh degët e saj në Greqi dhe Itali, ndërsa PD duket më pak e organizuar në këtë drejtim.

“Vota e diasporës është më tepër çështje organizimi. Në diasporë është me e organizuar PS, ka pasur historikisht degët e saj në Greqi dhe Itali, në Angli janë të fortë këta të PD, emigracioni i vonshëm është zakonisht kundër qeverisë. Në Greqi dhe Itali mendoj se janë emigrantë të PS. Nuk shoh organizim nga PD, shoh vetëm zonjën Topalli që ka nevojë për një ekip. 11 mijë votues të regjistruar është një shifër që të jetë një deputet. Nëse do kemi 100 mijë votues mund të ndryshojnë balancën e votimit, mund të frenojnë fitoren e PD, mund t’i japë fitoren e PD, është çështje organizimi. Për mua është shifër shqetësuese”, tha Hila.

LEXONI GJITHASHTU:

• ​Kur dhe si do të votojë diaspora në Kosovë, afatet dhe mënyrat
• Berisha: Diaspora mbështet rotacionin politik dhe Partinë Demokratike