Organizonin lojëra fati në lokalet e tyre, përfundojnë në pranga 2 pronarë në Durrës

Dy pronarë lokalesh janë arrestuar ndërsa 9  të tjerë janë proceduar në gjendje të lirë pasi u kapën duke luajtur lojëra fati.

Policia ka ushtruar disa kontrolle në Durrës dhe si rezultat ka zbuluar dy lokale ku ushtrohej kjo veprimtari. Pronarët e dy lokaleve D. R., 30 vjeç dhe L. B., 27 janë arrestuar menjëherë.

Polici njofton se gjatë kontrolleve ka sekuestruar sekuestrohen 1 tavolinë për lojën “Poker” dhe 11 celularë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

Njoftimi i policisë:

Specialistët për Hetimin e Krimeve të Komisariatit të Policisë Durrës, në vijim të goditjeve të njëpasnjëshme ndaj veprimtarisë së kundërligjshme të lojërave të fatit, si rezultat i kontrolleve të vazhdueshme në ambiente të ndryshme, kanë goditur 2 raste të tjera të kësaj veprimtarie.

-Për njërin rast, u arrestua shtetasi D. R., 30 vjeç (pronari i lokalit) dhe nisi procedimi penal për shtetasit K. Xh., 28 vjeç dhe T. M., 22 vjeç, të dy banues në Durrës, pasi janë kapur në flagrancë në lokalin e shtetasit D. R., duke luajtur “Poker” dhe duke vënë baste sportive, me celularë.

-Për rastin tjetër, u arrestua shtetasi L. B., 27 vjeç dhe u referuan materialet në Prokurori ku nisi procedimi në gjendje të lirë për shtetasit K. H., 32 vjeç, F. M., 24 vjeç, S. R., 34 vjeç, E. R., 32 vjeç, R. B., 31 vjeç, S. K., 29 vjeç dhe Xh. D., 29 vjeç, pasi u kapën në flagrancë në lokalin e shtetasit L. B., duke vënë baste sportive, me celularë.

LEXONI GJITHASHTU:

• Pagoi 40 mijë € për raportin, zbulohet “sëmundja” që liroi nga burgu Nuredin Dumanin
• Inceneratori i Tiranës, GJKKO pranon kërkesën e Bllakos për gjykim të shkurtuar