Inceneratori i Tiranës, GJKKO pranon kërkesën e Bllakos për gjykim të shkurtuar

Ka nisur sot seanca e parë në Gjykatën e Posaçme Antikorrupsion në ngarkim të ish-deputetit socialist, njëherësh ish-sekretar i përgjithshëm i Ministrisë së Mjedisit Alqi Bllako, i akuzuar për kryerjen e veprës penale “korrupsion pasiv i personave që ushtrojnë funksione publikë” në lidhje me hetimet për inceneratorin e Tiranës.

Alqi Bllako kërkoi të gjykohet me procedurën e gjykimit të shkurtuar, kërkesë që u pranua nga GJKKO.

SPAK relatoi në mënyrë të përmbledhur provat dhe faktet që disponon në lidhje me çështjen e inceneratorit të Tiranës, duke dhënë edhe argumentet se përse kërkon dënimin e Alqi Bllakos.

Gjatë hetimeve janë konstatuar veprime të kundërligjshme të kryera nga i pandehuri, në kohën kur ishte sekretar i përgjithshëm i ministrisë së Mjedisit , ku dyshohet se ka përfituar para në vlerën e rreth 120 mijë euro dhe 7 milion e 520 mijë lekë Vladimir Bezhanin nga shoqëria koncesionare për ndërtimin e inceneratorit.

Bllako i ka propozuar Bezhanit që të ofronte konsulence juridike për çështjen e inceneratieit të Tiranës para se të bëhej propozimi i pa kërkuar në lidhje më këtë çështje. Bllako i ka kërkuar Klodian Zotos që ta punësojë, në atë kohë Bezhani ishte këshilltarë i jashtëm i ministrit Koka, edhe pse paguhej nga shoqëria “Integrated Technology Services” sh.p.k. 37 fashikuj janë paraqitur nga SPAK për çështjen e Alqi Bllakos.

Në datë 20 dhjetor, GJKKO kaloi për gjykim dosjen në ngarkim të Bllakos, për korrupsion kryër në dy raste ku sipas SPAK, ai përfitoi rreth 120 mijë euro si pagesë për makinerinë e verërave të të atit, Edmond Bllako i cili është i pranishëm në seancën e kësaj të marte.

Hetimet për Bllakon përfunduan në 17 nëntor të vitit të kaluar nga Prokuroria e Posaçme Antikorrupsion.

LEXONI GJITHASHTU:

• SPAK kërkon në Apelin e Posaçëm ndryshimin e vendimit për Bllakon dhe Kokën
• A përfiton Koka, Tahiri dhe Bllako nga amnistia? Flet Plarent Ndreca