Presidenti i pezulluar i Koresë së Jugut ngre akuza për arrestimin e tij

Ekipi ligjor i presidentit të pezulluar të Koresë së Jugut, Yun Suk-yeol ngriti sot një rast rebelimi kundër shefit të Zyrës së Hetimit të Korrupsionit (CIO) Oh Dong Un dhe shefit të Zyrës Kombëtare të Hetimit Wo Yong So për hyrje të paligjshme në rezidencën presidenciale dhe arrestimin e presidentit.

Avokatët e Yun argumentojnë se bastisja në rezidencën dhe arrestimi i presidentit përbënte rebelim, pengim të detyrave zyrtare dhe shkelje të sekreteve ushtarake, raportoi Yonhap.

“Ata mobilizuan më shumë se 3,700 oficerë policie për të sulmuar rezidencën presidenciale dhe arrestuar presidentin, në kundërshtim me ligjin ,” tha ekipi ligjor i Yun në një deklaratë.

Dje, CIO dhe hetuesit e policisë u përpoqën përsëri të arrestonin Yun pasi ai injoroi tre thirrje për t’u marrë në pyetje në lidhje me përpjekjen e dështuar për të vendosur ligjin ushtarak më 3 dhjetor.

Gjykata Kushtetuese nisi të martën gjykimin për largimin e tij.

LEXONI GJITHASHTU:

• Presidenti i Koresë së Jugut arrestohet pasi tentoi të shpallte gjendje lufte
• Ukraina: Po marrim informacione “të dobishme” nga ushtarët e kapur koreano-veriorë