Atentati ndaj biznesmenit në Greqi, kapen 2 shqiptarë për vrasjen e Irakli Davellës

Departamenti i Vrasjeve në Atikë ka arrestuar dy shtetas shqiptarë, të moshës 42 dhe 43 vjeç, të cilët dyshohen se janë autorë të vrasjes së 47-vjeçarit Irakli Davella, me origjinë shqiptare, që ndodhi në Thrakomakedones në muajin dhjetor të vitit të kaluar.

Ngjarja ka përfshirë një atentat të planifikuar, ku viktima, Irakli Davella, pronar i një lokali në Peristeri, u qëllua për vdekje nga një makinë që ishte vjedhur disa kohë përpara krimit.

Sipas hetimeve të para, dy të arrestuarit kishin ngritur një pritë dhe, përveç vrasjes së Davelas, plagosën rëndë një tjetër person, i cili është aktualisht në gjendje të rëndë.

Hetuesit dyshojnë se ky person, i cili sapo kishte mbërritur nga Dubai, mund të ketë luajtur një rol kyç në organizimin e atentatit dhe mund të ketë pasur lidhje me grupet rivale të mafias greke.

Të dhënat e hetimeve sugjerojnë se vrasja mund të ketë lidhje me larje hesapesh brenda grupeve kriminale, duke pasur parasysh lidhjet e viktimës me figura të njohura të krimit të organizuar.

Irakli Davella kishte qenë nën hetim që prej vitit 2009 për akuzat e organizatës kriminale, zhvatjes dhe aktiviteteve të tjera të paligjshme, por nuk ishte angazhuar më me autoritetet pas asaj periudhe.

Hetuesit po vazhdojnë të merren me zbardhjen e rrethanave të plota të këtij atentati dhe të dalin në përfundime për motivet e mundshme që çuan në vrasjen e Davelas.

LEXONI GJITHASHTU:

• Atentat ndaj disa personave në Greqi, konflikti mes familjeve rome nga Shqipëria
• U vra në Athinë, zbulohet dokumenti i parlamentit grek ku përmendet Irakli Davella
• I vendosën tritol në jaht pasi erdhi nga Dubai, si i shpëtoi Hysa atentatit në Vlorë
• U vra në Athinë, zbulohet dokumenti i parlamentit grek ku përmendet Irakli Davella