Tiranë/ Vodhën në 2 biznese e 1 banesë, arrestohet një nga autorët, dy në kërkim

Policia ka finalizuar operacionin “Nata” për zbardhjen e tre rasteve të vjedhjes. Gjatë operacionit është arrestuar B. N., 38 vjeç, ndërsa janë shpallur në kërkim R. F. dhe E. L. (S).

Të tre dyshohen se gjatë orëve të para të mëngjesit të djeshëm, kanë vjedhur pajisje dhe vegla pune në një biznes dhe kantier ndërtimi si dhe kanë tentuar të vjedhin një banesë.
Materialet i janë kaluar Prokurorisë për veprën penale “Vjedhja”, kryer në bashkëpunim.

Njoftimi i policisë:

Finalizohet operacioni policor i koduar “Nata”, për goditjen e veprimtarisë kriminale në fushën e vjedhjes.

Identifikohen 3 shtetas që vodhën me thyerje, në 2 biznese, dhe tentuan të vidhnin në një banesë, gjatë orëve të para të mëngjesit.

Vihet në pranga njëri prej tyre, punohet për kapjen e 2 të tjerëve.

Në vijim të punës për zbardhjen e rasteve të vjedhjes së pronës/pasurisë, identifikimin e autorëve, kapjen dhe vënien e tyre përpara përgjegjësisë ligjore, shërbimet e Komisariatit të Policisë Nr. 3 kanë organizuar dhe finalizuar operacionin e koduar “Nata”, si rezultat i të cilit janë zbardhur tre raste në këtë fushë dhe janë identifikuar 3 autorët e dyshuar, shtetasit B. N., 38 vjeç, R. F. dhe E. L.(S).

Shtetasi B. N., i cili është arrestuar, në bashkëpunim me 2 shtetasit e tjerë, të cilët janë shpallur në kërkim, gjatë orëve të para të mëngjesit të ditës së djeshme, kanë vjedhur pajisje dhe vegla pune, në një biznes dhe në një kantier ndërtimi, si dhe kanë tentuar të vjedhin në një banesë.

Vijon puna për kapjen e 2 shtetasve të shpallur në kërkim dhe për zbardhjen e vjedhjeve të tjera që mund të kenë kryer këta shtetas.

Materialet procedurale i kaluan Prokurorisë pranë Gjykatës së Shkallës së Parë Tiranë, për veprën penale “Vjedhja”, kryer në bashkëpunim.

LEXONI GJITHASHTU:

• Premtonte bursa dhe udhëtime në SHBA si “Klea Rama”, dënohet me burg Ermes Hoxhalli
• Dhunoi ish-bashkëshorten dhe avokatin, arrestohet 35-vjeçari në Fier