Netanjahu, lideri i parë i huaj që do të vizitojë Trump në Shtëpinë e Bardhë

Kryeministri izraelit Benjamin Netanyahu do të bëhet lideri i parë i huaj që do të vizitojë Shtëpinë e Bardhë gjatë mandatit të dytë presidencial të Donald Trump.

Dyshja do të zhvillojnë bisedime në Uashington javën e ardhshme, sipas një letre të Shtëpisë së Bardhë që u nda nga zyra e Netanyahut.

“Mezi pres të diskutojmë se si mund të sjellim paqe në Izrael dhe fqinjët e tij, dhe përpjekjet për të kundërshtuar kundërshtarët tanë të përbashkët”, i shkroi presidenti amerikan homologut të tij izraelit.

“Do të jetë nderi im t’ju pres si udhëheqësin tim të parë të huaj gjatë mandatit tim të dytë,” shtoi ai.

Vizita vjen pasi administrata Trump shpreson të ushtrojë ndikim mbi Izraelin për t’i dhënë fund të përhershëm luftës së tij në Gaza.

Konflikti filloi 15 muaj më parë pasi Hamasi vrau 1200 njerëz dhe rrëmbeu 251 të tjerë në sulmet e tij vdekjeprurëse të 7 tetorit. Në luftën që pasoi, Izraeli ka vrarë më shumë se 47,000 palestinezë, sipas Ministrisë së Shëndetësisë së Gazës të drejtuar nga Hamasi.

Një armëpushim i brishtë i cili filloi më 19 janar është ende në Gaza, por Trump ka thënë më parë se ai “nuk ka besim” se do të zgjasë.