Kërcënimet e Trump për Groenlandën, Danimarka investon 2 mld euro në Arktik
Danimarka do të injektojë 1.95 miliardë euro në forcimin e pranisë së saj ushtarake në Arktik dhe rajonin e Atlantikut të Veriut.
Lajmin e ka bërë të ditur ministri danez i Mbrojtjes, Troels Lund Poulsen, në një kohë kur presidenti i Shteteve të Bashkuara, Donald Trump ka kërcënuar me marrjen nën kontroll të ishullit të Groenlandës.
“Ka sfida serioze me të cilat përballet siguria dhe mbrojtja në Arktik dhe Atlantikun Verior”, ka deklaruar Poulsen në një konferencë.
Ai ka shtuar se paketa e investimit do të përfshijë tre mjete detare të marinës, dy dronë me rreze të gjatë mbikëqyrjeje dhe kapacitete satelitore.
Ndërkohë, kryeministrja daneze Mette Frederiksen është takuar me kancelarin gjerman Olaf Scholz, presidentin francez Emmanuel Macron dhe sekretarin e përgjithshëm të NATO-s, Mark Rutte në përpjekje për të siguruar unitet me aleatët lidhur me Groenlandën, një territor danez gjysmë autonom.
“Evropa po përballet me një situatë serioze, me luftë në kontinent dhe ndryshime të realitetit gjeopolitik. Në momente të tilla, uniteti është jetik”, ka thënë Frederiksen.
Bashkimi Evropian ka deklaruar se nuk negocion me Shtetet e Bashkuara kur bëhet fjalë për sovranitetin e Danimarkës dhe mbështet qëndrimin e qeverisë daneze.
Nga ana e tij, Trump ka përsëritur se beson se Amerika do të marrë nën kontroll ishullin, pavarësisht insistimit të kryeministres Frederiksen, e cila në një bisedë të ndezur telefonike me presidentin tha se ishulli nuk është në shitje.
LEXONI GJITHASHTU:
Kryefaqja
“I kemi të gjithë në varrim, por nuk do t’i godasim”, Trump deklarata të forta për udhëheqjen iraniane
Protesta në Francë, kërkohet reformë e thellë në luftën kundër dhunës seksuale
Le Pen në gjyq vendimtar në Paris, rrezikon përjashtimin nga gara presidenciale e 2027!
- 22:27 “Arkivoli në protestë i papranueshëm!” Çipa: Simbolikat me vdekje janë të rrezikshme!
- 22:15 “Ramës ja uruan ditëlindjen protestuesit!”Briseida Çakërri: Duket protestë paqësore edhe pse thanë se do eskalojë
- 22:08 Arkivoli në protestë, Balla tregon kush e solli dhe sulmon Berishën: E ka bëre 28 vite më parë
- 21:54 Dita e 35-të e protestës, qytetarët, aktivistët dhe diaspora nisin marshimin në rrugët e Tiranës
- 21:44 Avokati i Popullit: Qytetari me kriza shëndetësore të lirohet menjëherë, qëndrimi në qeli rrezikon jetën e tij
- 21:43 Protestat përfshijnë Gjermaninë plot tensione, kundra ekstremit të djathtë,! Çfarë dimë dei tani