Stadiumi i ri i Man Utd, projekti 2 mld euro i Jim Ratcliffe

Pamja e Old Trafford me tavanin plot lagështirë dhe shiun që vërshonte në zonën ku tifozët qëndronin të ulur nuk do të vijojë për shumë kohë, pasi Manchester United do të ndërtojë një impiant modern. Klubi britanik ka aprovuar planin për ndërtimin e një stadiumi me 100 mijë ulëse, që do të kapë koston e 2 miliardë euro, ndërsa akordi mes palëve është arritur, konkretisht mes drejtuesve të klubit dhe zyrtarëve lokalë.

Pamjet e stadiumit që pritet të ndërtohet janë publikuar në media dhe ky është një lajm i mirë për tifozët, të cilët kanë shpërthyer në reagime pozitive. Njëkohësisht, kjo është një premtim i mbajtur nga ana e pronarit të ri, Jim Ratcliffe, i cili, pasi mbërriti në Manchester, deklaroi se një teatër i ri do të ndërtohej për tifozët.

Nuk është vendosur ende nëse stadiumi aktual do të shembet për ndërtimin e të riut, apo projekti i ri do të gjejë vend diku tjetër, por, parë në aspektin ekonomik, ky zhvillim do t’i sjellë një përfitim të madh zonës. 48,000 vende pune dhe 15,000 shtëpi të reja do të ndërtohen, të cilat do të sjellin rreth 4.5 miliardë euro për ekonominë vendase. Kujtojmë që stadiumi aktual, nën emrin Old Trafford, është ndërtuar 115 vite më parë dhe është i dyti për nga kapaciteti pas Wembley.

LEXONI GJITHASHTU:

• Lojtarët e Man United refuzuan të vendosin shiritin pro-LGBTQ+ përpara ndeshjes
• Manchester City në krizë! Guardiola rinovon deri në vitin 2026