Përmbyten disa banesa në Durrës, Ministria e Mbrojtjes: Banorët janë evakuar

Ministria e Mbrojtjes ka dhënë detajet e fundit sa i përket situatës së krijuar nga moti i keq dhe reshjet në vend.

Durrësi ishte një nga qytetet me problematika më të shumta, ku sipas njoftimit të ministrisë forcat në terren po vazhdojnë punën për largimin e ujit nga zonat e prekura.

Problematika më të theksuara kanë rrugët dytësore në zonën e Durrësit të Ri, Shkozetit, Gjykata e Apelit, pjesërisht Zona e Plazhit.

Njoftimi i Ministrisë së Mbrojtjes:

· Ka prani të ujit në një numër të konsiderueshëm banesash dhe ambientet publike.

· Eshtë bërë evakuimi i disa familjeve, të cilat janë akomoduar te Kavalishenca.

· Sipërfaqja e tokës bujqësore nën ujë llogaritet në rreth 40 Ha.

· Ka një rritje të lehtë të niveleve të lumenjve Ishëm dhe Erzen, por pa rrezik për daljen nga shtrati.

· Hidrovorët në Hamallaj dhe Porto Romano vijojnë punën me kapacitet të plotë

· Në terren janë të angazhuara forca nga MZSH, Autoriteti Portual, Bordi i Kullimit, ndërmarrjet e punëve publike të bashkisë.

· Në mbështetje të forcave në terren janë angazhuar 2 pompa thithëse me kapacitet të lartë dhe 3 kamionë të kalueshmërisë së lartë nga Forcat e Armatosura.

· Gjatë natës kapacitetet nga FA u përforcuan edhe me 2 pompa të vogla nga batalioni i mbështetjes Poshnjë, të cilat janë duke punuar për largimin e ujit te IEPV Durrës.

Grupet e punës janë në terren për identifikimin, vlerësimin dhe raportimin e saktë të dëmeve.

LEXONI GJITHASHTU:

• Përmbyten lagjet e Vlorës, mbi 100 familje të rrethuara nga uji
• Durrësi “nën pushtetin” e ujit, bllokohen rrugët pas reshjeve të shiut