Tërmeti 5.2 ballë pas qindra lëkundjesh, Santorini shpall gjendjen e jashtëzakonshme

Gjendja e jashtëzakonshme është shpallur në ishullin grek të Santorinit pas disa ditë tërmetesh të njëpasnjëshme.

Vendimi vjen pasi një lëkundje me magnitudë 5.2 u regjistrua në orën 21:09 me orën lokale të mërkurën midis ishujve grekë të Amorgos dhe Santorini, duke e bërë atë më të fortën në ditët e fundit. Tërmeti vlerësohet se ka ndodhur në një thellësi prej 5 km.

Dekreti do të jetë në fuqi deri më 3 mars për të “adresuar nevojat emergjente dhe menaxhuar pasojat”, thanë zyrtarët.

Më shumë se 11,000 njerëz janë larguar tashmë nga Santorini, me rreth 7,000 që janë nisur me traget dhe 4,000 me ajër.

Një tërmet me magnitudë 4.7 u regjistrua gjithashtu në jug-perëndim të Amorgos në orën 07:50 me kohën lokale të së enjtes, pas 57 lëkundjeve midis mesnatës dhe 06:30.

Deri më tani nuk janë raportuar dëme të mëdha në ishull, por autoritetet po marrin masa paraprake dhe po kujdesen në rast se goditet një tërmet më i madh.

Kryeministri grek Kyriakos Mitsotakis pritet të vizitojë Santorinin të premten.

Vasilis Karastathis, drejtor i Institutit Gjeodinamik, tha për ERTNeës se “sizmiciteti vazhdon me të njëjtin ritëm si ditët e mëparshme, intensiv”.

“Kemi një numër mjaft të lartë tërmetesh me magnitudë mbi 4”, tha ai.

LEXONI GJITHASHTU:

• Santorini braktiset nga banorët, 300 lëkundje sizmike në 48 orët e fundit
• A ka frikë për shpërthimin e vullkanit në Santorini, çfarë thonë ekspertët