“Je i shkarkuar”- Trump hakmerret ndaj Biden, i revokon lejen e sigurisë

“Je i shkarkuar”- Trump hakmerret ndaj Biden, i revokon lejen e sigurisë

Presidenti i SHBA-së, Donald Trump, ka njoftuar se ka revokuar lejen e sigurisë për Joe Biden.

Ky vendim i heq mundësinë Biden që ai të ketë akses në informacionet e përditshme të inteligjencës.

“Nuk ka nevojë që Joe Biden të vazhdojë të marrë akses në informacionin e klasifikuar”, shkroi Trump në një postim në platformën e tij “Truth Social”.

Ai shtoi me ironi: “JOE, je i shkarkuar,” duke iu referuar frazës së tij të njohur të përdorur në programin televiziv, “The Apprentice”. Trump ka revokuar lejen e sigurisë dhjetëra zyrtarë të inteligjencës, të cilët ai i akuzoi për ndërhyrje në zgjedhjet e vitit 2020 në favor të Biden.

Në një postim të mëvonshëm, Trump shkroi: “Biden krijoi këtë precedent në vitin 2021, kur ai udhëzoi Komunitetin e Inteligjencës të ndalonte Presidentin e 45-të të Shteteve të Bashkuara, pra mua, të aksesoja informacionin e sigurisë kombëtare, një privilegj që është dhënë historikisht për ish-presidentët.” Ai shtoi se Biden nuk mund t’i besohej informacionit të klasifikuar, duke e lidhur këtë me një hetim të Departamentit të Drejtësisë për ruajtjen e dokumenteve të klasifikuara nga Biden.

Hetimi sugjeroi se Biden kishte një kujtesë të dobët dhe nuk mund të mbante mend ngjarje të rëndësishme të jetës, si vdekjen e djalit të tij, Beau, dhe periudhën kur ai shërbeu si zëvendëspresident i Barack Obamës. Biden e hodhi poshtë këtë pretendim në atë kohë.

LEXONI GJITHASHTU:

• “Trump beson në ligjin e xhunglës”, eksperti: Po legjitimon spastrimin etnik në Gaza
• OKB thirrje Trump të anulojë sanksionet ndaj Gjykatës Ndërkombëtare Penale