Liqeni i Lepurit në Tiranë, thesar i fshehur natyror mes maleve

Një tjetër atraksion turistik po tërheq vëmendjen e vizitorëve vendas dhe turistëve të huaj.

Liqeni i Lepurit, i ndodhur shumë pranë Tiranës, është një tjetër thesar i fshehur natyror që gjendet mes maleve të Shëngjergjit.

Agjencia Kombëtare e Turizmit përmes disa fotove të publikuara në rrjetet sociale, tregon ujërat e kristalta dhe peizazhin e pabesueshëm që ofron liqeni i Lepurit, sidomos për ata që janë të apasionuar pas natyrës.

Liqeni i Lepurit, përpos natyrës, mund të jetë një alternativë ideale për turistët e huaj apo vendasit që pëlqejnë hiking në zonat malore.

Ky liqen veçohet nga pastërtia dhe ngjyra e gjelbër e ujit, ndërsa malet, pishat e larta dhe gjelbërimi plotësojnë një tjetër kornizë të përsosur të këtij atraksioni turistik.

Gjatë muajve të dimrit, liqeni i Lepurit shndërrohet në një atraksion tipik malor, i mbuluar nga dëbora dhe veçantia e ujit të ngrirë të liqenit.

Liqeni i Lepurit është i rrethuar nga pishat, malet dhe kodra dhe të mahnit me ngjyrën e pastër e të gjelbër, ndërsa vetëm 1 orë nga Tirana ndodhet Shëngjergji, një nga bukuritë më impresionuese të Malësisë së Tiranës.

Vetëm 22 km nga Tirana, në krah të majtë të rrugës për në Shëngjergj, ndodhet edhe Ujëvara e Shëngjergjit, një tjetër mrekulli natyrore që tërheq qindra vizitorë gjatë gjithë vitit.

LEXONI GJITHASHTU:

• Si u zbulua në Leskovik liqeni termal nëntokësor më i madh në botë
• Si u zbulua në Leskovik liqeni termal nëntokësor më i madh në botë