Ç’po ndodh pas arrestimit të Veliaj: Rama anulon takimet, PS mbledhje urgjente grupi
Kryeministri Edi Rama ka anuluar takimet e planifikuara në Shkodër dhe është nisur urgjentisht drejt Tiranës pas masës së sigurisë “arrest me burg” të dhënë nga GJKKO për kryebashkiakun Erion Veliaj, me urdhër të SPAK.
Rama kishte planifikuar një drekë me zyrtarë dhe kryetarë bashkish të Partisë Socialiste, si dhe një takim me strukturat e PS-së në Shkodër, takime që u anuluan për shkak të zhvillimeve të fundit. Kryeministri është aktualisht në zyrën e tij.
Ndërkohë, një mbledhje e grupit parlamentar të PS është planifikuar pasditen e kësaj të hëne në Kryesinë e Kuvendit. Nuk dihet ende nëse pjesë e mbledhjes do të jetë dhe kryesocialisti Rama.
Kryebashkiaku i Tiranës, Erion Veliaj, u arrestua në zyrën e tij nga agjentët e BKH pas masës së sigurisë të lëshuar nga gjykata.
Burime jozyrtare për Euronews Albania bëjnë me dije se një masë sigurie “Arrest në shtëpi” është caktuar edhe për bashkëshorten e Veliajt, Ajola Xoxa.
Veliaj akuzohet për veprat penale: “Korrupsion aktiv i funksionarëve të lartë shtetërorë ose të zgjedhurve vendorë”, “Pastrimi i produkteve të veprës penale ose veprimtarisë kriminale”, dhe “Refuzim për deklarim, mosdeklarim, fshehja ose deklarimi i rremë i pasurive, interesave privatë të personave të zgjedhur dhe nëpunësve publikë, ose i çdo personi tjetër që ka detyrim ligjor për deklarim”.
LEXONI GJITHASHTU:
Kuvendi kërkon më shumë kontroll mbi kreditimin e bankave, cilat çështje u shqyrtuan
Asociacioni i Gazetarëve reagon në lidhje me sigurinë e ekipeve mediatike në protesta: Mos intimidoni gazetarët
U mbyt në plazhin e Durrësit, përcillet në banesën e fundit 11-vjeçari nga Berati
- 17:01 Netanyahu: Qëndrimi im është i vendosur ndaj Libanit, për aq kohë sa të jetë e nevojshme
- 16:53 Kuvendi kërkon më shumë kontroll mbi kreditimin e bankave, cilat çështje u shqyrtuan
- 16:48 Macron reagon pas takimit me Ramën: Franca riafirmon mbështetjen për integrimin e Shqipërisë në BE
- 16:40 Kryeministri hungarez nis procedurat për shkarkimin e presidentit
- 16:37 Shpërthimi në kompleksin Ras Laffan në Katar, 13 të vdekur dhe 66 të plagosur
- 16:34 Asociacioni i Gazetarëve reagon në lidhje me sigurinë e ekipeve mediatike në protesta: Mos intimidoni gazetarët