Arrestohet Erion Veliaj, momenti kur shoqërohet nga agjentët e BKH

GJKKO ka vendosur masë sigurie arrest me burg për kryebashkiakun Erion Veliaj, i cili akuzohet për disa vepra penale.

Gjithashtu sipas informacioneve ende të pakonfirmuara, GJKKO ka vendposur masë sigurie arrest në shtëpi për bashkëshorten e tij Ajola Xoxa.

Veliaj është parë teksa largohej nga ambientet e Bashkisë së Tiranës me makinën e tij, ndërsa ëhstë shoqëruar nga agjentët e BKH-së.

Kryebashkiaku Veliaj akuzohet nga Prokuroria e Posaçme për veprat penale: “Korrupsion aktiv i funksionarëve të lartë shtetërorë ose të zgjedhurve vendorë”, “Pastrimi i produkteve të veprës penale ose veprimtarisë kriminale”, dhe “Refuzim për deklarim, mosdeklarim, fshehja ose deklarimi i rremë i pasurive, interesave privatë të personave të zgjedhur dhe nëpunësve publikë, ose i çdo personi tjetër që ka detyrim ligjor për deklarim”.

Hetimet ndaj Veliajt drejtohen nga prokurorët Altin Dumani dhe Ols Dado. Ato janë ngritur mbi dyshime të arsyeshme se kryebashkiaku ka konsumuar elementë të veprës penale, duke përfituar në mënyrë të tërthortë përmes bizneseve të lidhura me familjarët e tij dhe biznesmenin Elman Abule.

Prokuroria e Posaçme ka sekuestruar telefonin e bashkëshortes së Veliajt, Ajola Xoxa, dhe ka ushtruar kontroll në ambientet e qendrës “Harabel” dhe të “Nan Gallery”, të themeluara prej saj. Si pjesë e hetimeve, SPAK ka kontrolluar gjithashtu një apartament dhe një vilë në pronësi të vëllait të kryebashkiakut, Arbër Veliaj dhe biznesit të tij “Gogel Shpk”.

LEXONI GJITHASHTU:

• Arrestohet me kërkesë të SPAK kryetari i Bashkisë së Tiranës, Erion Veliaj
• Bashkëshortja e Veliaj, ankimon kontrollin nga Byroja Kombëtare e Hetimit