Rezultati në rang kombëtar deri në orën 12:00, PS merr 74 mandate

Në të dhënat që raporton KQZ dhe të përpunuara nga Euronews Albania vihet re se deri në orën 12:00 Partia Socialiste e Shqipërisë vijon të kryesojë bindshëm rezultatin elektoral në rang kombëtar-Kliko këtu për të parë hartën interaktive.

Teksa janë numëruar 4843 nga 5199 qendra votimi në total, Partia Socialiste sipas të dhënave ka marrë deri tani 48.63% të votave.

Nga ana tjetër, Partia Demokratike ka siguruar deri tani 39.38%. Konfiguracioni elektoral për Lëvizjen Socialiste për Integrim është shumë i ulët në krahasim me zgjedhjet e 2017.

Bazuar në shifrat e Komisionit Qendror të Zgjedhjeve, ky subjekt politik në rang kombëtar ka marrë deri tani 6.86% të votave, kurse 2.25% kanë shkuar për Partinë Social-Demokrate, që drejtohet nga Tom Doshi.

Mandatet e fituara në rang kombëtar deri tani: 

• Partia Socialiste-74 mandate
• Partia Demokratike-59 mandate
• Lëvizja Socialiste për Integrim-4 mandate.
• Partia Social-Demokrate-3 mandate