Lavrov kërkon përjashtimin e Evropës nga negociatat për Ukrainën: Hedhin ide dinake

Ministri i Jashtëm rus, Sergei Lavrov, ka kërkuar përjashtimin e Evropës nga bisedimet për përfundimin e luftës në Ukrainë, gjatë takimeve që do të mbahen në Arabinë Saudite.

Lavrov deklaroi se prania e shteteve evropiane në tryezën e negociatave mund të pengonte një marrëveshje të mundshme paqeje.

“Unë nuk e di se çfarë do të bënin ata në tryezën e bisedimeve. Ata mund të ‘lypin’ disa ide dinake rreth ngrirjes së konfliktit, të cilat nënkuptojnë vazhdimin e luftës. Aatëherë, përse t’i ftojmë ata?” tha Lavrov.

Deklarat u dha për mediat ndërsa ai dhe ndihmësi i presidentit Vladimir Putin, Yuriy Ushakov, do të udhëtojnë drejt Arabisë Saudite për të zhvilluar bisedime me zyrtarët amerikanë. Mediat shtetërore ruse raportojnë se ky takim, i cili do të mbahet të martën, do të fokusohet në diskutimet për përfundimin e luftës në Ukrainë. Sekretari amerikan i Shtetit, Marco Rubio, i shoqëruar nga këshilltari për sigurinë kombëtare, Mike Waltz, dhe i dërguari i presidentit Trump për Lindjen e Mesme, Steve Witkoff, janë tashmë të pranishëm në Riad.

Ndërkohë, presidenti i Ukrainës, Volodymyr Zelensky, mund të arrijë në Arabinë Saudite të martën në mbrëmje, sipas raporteve. Megjithatë, burime të afërta me delegacionin ukrainas kanë pohuar se ai nuk ka plane të takohet me zyrtarët rusë. Udhëtimi i Zelensky ishte planifikuar para shpalljes së bisedimeve SHBA-Rusi dhe është ende e paqartë nëse ai do të ketë takime me ndonjë nga delegacioni amerikan.

LEXONI GJITHASHTU:

• Zelensky: Ukraina nuk u ftua për bisedimet SHBA-Rusi në Arabinë Saudite
• Starmer: I gatshëm të vendos trupa në terren në Ukrainë për të mbrojtur paqen