“Përtej sfidave të shumta…”- Zbardhet letra që Rama i shkroi Kurtit për Pavarësinë

Kryeministri i Shqipërisë, Edi Rama, i ka dërguar një letër urimi Kryeministrit të Republikës së Kosovës, Albin Kurti, me rastin e 17-vjetorit të shpalljes së Pavarësisë së Kosovës.

Lajmi është publikuar nga mediat në Kosovë, ku është zbardhur dhe një pjesë e urimit të shefit të qeverisë në Tiranë, drejtuar homologut në Prishtinë.

“Përtej sfidave të shumta e sakrificave të mëdha, me mbështetjen e vazhdueshme dhe të pakursyer të aleatëve tanë të pazëvendësueshëm, Shteteve të Bashkuara të Amerikës dhe Bashkimit Evropian, Republika e Kosovës ka shënuar arritje të paimagjinueshme në ndërtimin e institucioneve demokratike dhe Shtetit të së Drejtës”, thuhet ndër të tjera në letër urimin e kryeministrit Rama.

Në urimin e tij drejtuar kryeministrit Kurti, e përmes tij të gjithë qytetarëve të Republikës së Kosovës, kryeministri Rama thekson vullnetin e tij dhe Republikës së Shqipërisë për bashkëpunim të gjithanshëm.

LEXONI GJITHASHTU:

• ​Osmani: Kosova simbol i dinjitetit dhe i një sakrifice të pashembullt për liri
• “Ky moment është lënë nën hije nga padrejtësitë”, Grenell mesazh urimi për Kosovën