Të shtëna me armë zjarri në Kukës, plagoset një person gjatë një konflikti

Rreth orës 14:20, në spitalin e Kukësit është paraqitur shtetasi E. H., rreth 29 vjeç, banues në fshatin Bicaj, i dyshuar i plagosur me armë zjarri. Sipas informacionit paraprak, ai është jashtë rrezikut për jetën.

Nga hetimet e para, dyshohet se plagosja ka ndodhur gjatë një konflikti për motive të dobëta me një shtetas tjetër, i cili është identifikuar nga Policia, por gjeneralitetet e tij nuk janë bërë të ditura për shkak të hetimeve në vazhdim.

Grupi hetimor është ngritur dhe po punon nën drejtimin e Prokurorisë Kukës për zbardhjen dhe dokumentimin e plotë të ngjarjes