EMRAT| Shisnin kokainë e kanabis pranë shkollave në Kavajë, arrestohen 13 persona

Policia në Kavajë ka finalizuar një operacion antidrogë ku janë arrestuar 13 persona të cilët në bashkëpunim me njëri tjetrin shisnin doza kokaine dhe kanabisi në afërsi të shkollave në Kavajë.

Në kuadër të operacionit policor të koduar “Winter”, u ekzekutuan urdhrat e ndalimit për 13 shtetas: Renaldo Gjondeda, Rudi Dimni, Elion Danai, Rexhep Lushka, Ramazan Kola, Alesio Shaba, Rei Shaba, Endri Meçja, Besnik Belba, Serxho Abazi, Kujtim Veizi, Bardhyl Dumullaku, Arben Xhihani.

Gjithashtu, ka nisi procedimi në gjendje të lirë për shtetasin N. M., 32 vjeç, banues në Kavajë dhe është shpallur në kërkim shtetasi B. D., 32 vjeç, banues në Kavajë.

Janë sekuestruar në cilësinë e provës materiale: 80 doza kokaine, 620 doza kanabisi, 2 peshore elektronike, pajisje për presimin e lëndëve narkotikëve dhe ndarjen e tyre në doza, shuma parash në euro dhe lekë dhe 19 celularë; 3 silenciatorë, 1 jelek antiplumb, pajisje për modifikimin e armëve të zjarrit, 1 detektor dhe 1 bllokues valësh.

Nga veprimet hetimore dyshohet se këta shtetas, në bashkëpunim me njëri-tjetrin dhe individualisht, shitnin doza të lëndëve narkotike kokainë dhe kanabis, në zona të ndryshme të Kavajës, kryesisht afër shkollave.

LEXONI GJITHASHTU:

• Kamuflohej si taksist dhe shiste kokainë në gjithë Tiranën, arrestohet 54-vjeçari
• Operacion antidrogë në Tiranë, arrestohet 35-vjeçari për shpërndarje kokaine