Nis gjyqi i përbindëshit francez: Ish-mjeku i akuzuar për përdhunimin e 299 fëmijëve

Gjyqi i ish-mjekut Joel Le Squarnec, i akuzuar për përdhunimin ose abuzimin seksual të 299 personave, kryesisht fëmijë që ishin pacientë të tij për më shumë se tre dekada, nisi dje në Francë.

Gjatë gjyqit katërditor që po zhvillohet në qytetin Vannes në Brittany, 74-vjeçari Le Squarnec do të përballet me qindra viktima të tij, raporton AP.

Nëse shpallet fajtor, ai përballet me 20 vjet burg, përveç dënimit 15-vjeçar që po vuan tashmë pasi u shpall fajtor në vitin 2020 për përdhunim të fëmijëve.

Avokati i mjekut, Maxime Tessier, i tha gjykatës se klienti i tij pranon përgjegjësinë për shumicën e akuzave kundër tij.

Disa nga viktimat e Le Squarnek nuk i mbajnë mend sulmet sepse ata ishin nën anestezi në atë kohë.

Shumë viktima, edhe pse nuk mbanin mend nga sulmet, përshkruajnë se ndiheshin të dëshpëruar, edhe pse nuk e dinin arsyen për këtë.

Rasti i ish-mjekut filloi të zbardhej në vitin 2017 kur një vajzë gjashtë vjeçare që jetonte në vendin fqinj me të tha se ai e kishte prekur atë përmes gardhit midis pronave të tyre.

Kjo u pasua nga një kontroll në shtëpinë e Le Scuarnec, gjatë të cilit u zbuluan më shumë se 300,000 fotografi, 650 skedarë video me përmbajtje pedofilike, si dhe ditarë në të cilët ai detajonte aktivitetet e tij, tregojnë dokumentet e gjykatës.

Dokumentet e hetimit tregojnë se doktori ka abuzuar seksualisht me djemtë dhe vajzat kur kanë qenë vetëm në dhomat e spitalit.

Le Squarnek ishte dënuar një herë në vitin 2005 për posedim të materialit të abuzimit të fëmijëve dhe mori një dënim me kusht katër muaj, por megjithatë u emërua si mjek i përgjithshëm në një spital vitin e ardhshëm.

LEXONI GJITHASHTU:

• Presidenti Trump pret në Shtëpinë e Bardhë Presidentin francez Macron
• Sulm me thikë në Francë: Një person i vrarë, sulmuesi në listën e terrorizmit