Parlamenti Evropian ratifikon marrëveshjen tregtare mes BE-së dhe Mbretërisë së Bashkuar

Deputetët në Parlamentin Evropian kanë votuar për të ratifikuar marrëveshjen tregtare të Bashkimit Europian dhe Mbretërisë së Bashkuar, gati katër muaj pasi marrëveshja Brexit hyri në fuqi.

Ligjvënësit votuan me shumicë dërrmuese pro miratimit zyrtar të marrëveshjes me 660 vota pro, 5 kundër dhe 32 abstenime.

Votimi përfundon procesin shumëvjeçar të Brexit dhe hap një epokë të re ku bashkëpunimi i ngushtë midis Brukselit dhe Londrës pritet të bashkëjetojë me grindje dhe mosmarrëveshje të vazhdueshme.

Marrëveshja, e cila është ratifikuar tashmë nga Mbretëria e Bashkuar, hyri në fuqi në 31 Dhjetor të 2020, por teknikisht ka qenë ende e hapur për debat që nga ajo kohë.

Udhëheqësit e BE vlerësuan marrëveshjen në Twitter, me Presidenten e Komisionit Evropian Ursula von der Leyen duke thënë se ajo “mirëpriti ngrohtësisht” vendimin dhe Presidenti i Këshillit Evropian, Charles Michel, duke bërë jehonë fjalëve të saj.

“Kjo shënon një hap të madh përpara në marrëdhëniet me Mbretërinë e Bashkuar dhe hap një epokë të re”, u shpreh Charles Michel.

Kryenegociatori i Mbretërisë së Bashkuar për Brexit, David Frost, tha se ai shpreson që tani mund të fillojmë një kapitull të ri së bashku si evropianë.