Primaret e PD, përfundon numërimi i votave në Korçë, kryeson Bledion Nallbati

Ka përfunduar procesi i numërimit të votave për primare në qarkun e Korçës.

Vendimi i KOKOE ishte se secili kandidat për të kaluar pragun duhet të fitonte 230 vota.

Në përfundim, nga qarku i Korçës, atyre që emrat do u kalojnë në kryesi janë Bledjon Nallbati, i cili ka më tepër vota se të gjithë duke marrë plot 1219 vota, ndërsa ndiqet nga deputeti tjetër Edmond Spaho me 691 vota.

Ish-deputetja e PD dhe dekania e fakultetit të ekonomisë në Korçë Ledina Alolli ka mundur të fitojë 394 vota.

Andrea Mano ka mundur të marrë votëbesimin nga 381 anëtarë demokratë, ndërsa Fidel Kreka ka fituar 355 vota

Ish-kryetari i PD Pogradec Genti Çela do të jetë një tjetër emër që do të diskutohet në tryezën e kryesisë në kryeqytet, pasi mundi të fitojë 334 vota.

Kandidatët e tjerë nuk kanë mundur të kalojnë pragun prej 230 votash ndërsa zhgënjim total ka qenë deputetja aktuale Sorina Koti, e cila ka mundur të grumbullojë vetëm 41 vota.

1. *Bledjon Nallbati*: 1219 vota
2. *Edmond Spaho*: 691 vota
3. *Ledina Alolli*: 394 vota
4. *Andrea Mano*: 381 vota
5. *Fidel Kreka*: 355 vota
6. *Genti Çela*: 334 vota
7. *Alfred Gega*: 222 vota
8. *Arbër Male*: 221 vota
9. *Kristiano Koçibelli*: 204 vota
10. *Lulëzim Rakipi*: 160 vota
11. *Yllson Ibrahimllari*: 151 vota
12. *Eleina Qirici*: 113 vota
13. *Elsuida Vila*: 74 vota
14. *Kujtim Hoxha*: 61 vota
15. *Xhuljano Guçe*: 52 vota
16. *Sorina Koti*: 41 vota
17. *Albana Prifti*: 40 vota
18. *Lorenc Bega*: 30 vota
19. *Xhuljana Guçe*: 24 vota