Shisnin dhe kultivonin lëndë narkotike në Tiranë, arrestohen në flagrancë 2 persona

U kapën në flagrancë në tentativë për të shitur 1 kg e 700 gram lëndë të dyshuar narkotike kanabis, vihen në pranga 2 shtetas.

Dy persona janë arrestuar në flagrancë këtë të martë në rrugën “Memo Meto” në Tiranë në saj të operacionit policor të koduar “Interruption”. Këta dy persona Reshat Qatromi, 36 vjeç dhe Ledin Kazanxhi (Allamani)27 vjeç, të dy banues në Tiranë u kapën në tentativë për të shitur 1 kg e 700 gram lëndë narkotike kanabis.

Sipas njoftimit të policisë gjatë kontrolleve atyre iu sekuestruan 3 kg lëndë narkotike kanabis, pajisje elektrike që shërbejnë për kultivimin e bimëve narkotike në ambiente të mbyllura dhe prova të tjera materiale.

Materialet procedurale i kaluan Prokurorisë, për veprime të mëtejshme.

LEXONI GJITHASHTU:

• EMRI| Përplasi për vdekje 2-vjeçarin në Fushë Domje, arrestohet drejtuesi i mjetit
• Shiste drogë në qytetin e Beratit, arrestohet 24-vjeçari