Listat e 11 majit: Kush janë 4 “ish-opozitarët” që iu bashkuan Partisë Socialiste
Partia Socialiste ka përfshirë në listat e saj për deputetë disa emra që kanë qenë pjesë e Partisë Demokratike , duke sjellë kështu një ndryshim në garën politike. Edhe pse këta individë nuk janë përfshirë në listat e mbyllura, ata do të garojnë në partinë e PS-së.
Një nga emrat është Zamira Sina, dekane e Fakultetit Ekonomik në Universitetin e Vlorës. Gjatë prezantimit të listave, drejtuesi politik i qarkut, Bledi Çuçi, theksoi se Sina kishte qenë mbështetëse e Lulzim Bashës dhe Partisë Demokratike. Çuçi theksoi se Sina i kishte shpjeguar se në atë kohë nuk e mbështeste Edi Ramën, por tani ka ndryshuar mendim dhe e mbështet kryeministrin aktual.
Një tjetër ndryshim është i lidhur me Vasil Sterjovski, kryetar i Aleancës së Maqedonasve për Integrimin Europian i cili ka kërkuar tërheqjen nga koalicioni “Partia Demokratike Aleanca për Shqipërinë Madhështore”. Sterjovski kishte kërkuar një vend në listën e hapur për Qarkun e Korçës, por pasi kërkesa e tij u refuzua nga PD, ai ka kaluar te PS. Në vitin 2021, ai kishte kandiduar nën logon e PS-së për Qarkun e Korçës, por nuk kishte arritur të fitojë.
Në listën e hapur të PS-së për deputetë është edhe ish-deputeti i PD-së, Alban Zeneli.
Zeneli ka qenë deputet i PD-së gjatë legjislaturës 2013-2017, dhe tashmë do të garojë për një mandat të ri në PS.
Po ashtu, edhe Endrit Brahimllari, ka vendosur të angazhohet pranë Partisë Socialiste. Brahimllari kishte shprehur publikisht dëshirën për t’u bashkuar me PS-në, dhe tani është i vendosur në listën e hapur për deputetë në qarkun e Tiranës, ku do të duhet të fitojë një vend në Kuvend përmes votës popullore.
LEXONI GJITHASHTU:
Mot i keq në Shkodër, autoritetet apel qytetarëve: Shmangni zonat me risk
Qytetarët bllokojnë rrugën pranë selisë së PS-së, thirrje të rinjve: Ngrihuni nga kafet
Debat në “Now”, Nurellari: Duhet mbrojtur natyra! Ish-ministri Bajrami: Ka tentativë për destabilizim, Koka: U derdh gota e durimit
- 07:18 SHBA njofton armëpushim të ri mes Izraelit dhe Libanit, kusht ndalimi i sulmeve të Hezbollahut
- 23:16 Mot i keq në Shkodër, autoritetet apel qytetarëve: Shmangni zonat me risk
- 23:07 “Opozitë e krimit”! Protestuesit nga selia e PS-së shkojnë para selisë së PD-së
- 22:35 Tajani: Është SHBA-ja ajo që “duhet ta ndalojë Izraelin” për paqen në LM
- 22:33 SHBA tërheq trupat nga Lituania
- 22:28 Qytetarët bllokojnë rrugën pranë selisë së PS-së, thirrje të rinjve: Ngrihuni nga kafet