Gjykata Speciale s’e lejoi Thaçin në varrimin e të atit, reagon Rama

Kryeministri Edi Rama reagoi pas vendimit të Gjykatës Speciale për të mos lejuar ish-presidentin e  Kosovës në varrimin e të atit, i cili ndërroi jetë një ditë më parë.

Përmes një postimi në X Rama e cilëson të turpshme gjykatën që siç thotë ktheu në bumerang brutal vullnetin e mirë të Kuvendit të Kosovës.

“Një ultësirë ​​e re nga një gjykatë e turpshme dhe e paturpshme që drejtësinë ndërkombëtare e ka kthyer në shaka, të drejtat demokratike në fjalë boshe dhe vullnetin e mirë të Kuvendit të Kosovës në bumerangët më brutalë”, shprehet Rama.

Lajmin e bëri të ditur Organizata e Veteranëve të Luftës së Ushtrisë Çlirimtare të Kosovës përmes një postimi.

Organizata e Veteranëve të Luftës së Ushtrisë Çlirimtare të Kosovës ka shprehur indinjatën dhe revoltën e saj të thellë ndaj vendimit të padrejtë, jo human dhe të papranueshëm të Gjykatës Speciale, e cila ka refuzuar lirimin e bashkëluftëtarit të tyre, ish-presidentit Hashim Thaçi që të marrë pjesë në ceremoninë mortore dhe të japë lamtumirën e fundit babait të tij.

LEXONI GJITHASHTU:

• Shtëpia e Bardhë: Paqja në Ukrainë nuk ka qenë kurrë më afër
• Rama: Zgjedhjet e 11 majit, hap vendimtar drejt anëtarësimit të Shqipërisë në BE