Debati për kufijtë e Ballkanit, analistja Krasniqi shpjegon situatën Kosovë-Serbi

Analistja, Jeta Krasniqi tha për Euronews Albania se debatet për kufijtë e Ballkanit nuk janë diskutime të reja, siç nuk janë as diskutime që do të mbarojnë sot.

Teksa theksoi se ndër temat më të folura sa i takon ndryshimit të kufijve është dialogu Kosovë-Serbi analistja Krasniqi pohoi se janë vetëm dy teza mbi të cilat bazohet dhe zgjidhja e kësaj situate.

“Dy teza janë. Në rast se Kosova do bëjë asosacionin dhe t’i japë më shumë të drejta, kompetenca, komunitetit serb në Kosovë duke shkuar aty deri në një vetëqeverisje ashtu siç e kërkon Beogradi ose teza tjetër është e shkëmbimit të kufijve,” – u shpreh ajo.

Sipas analistes, non paper-at e shkruar deri më tani janë deri diku ekstreme sepse kur flitet për ndryshim kufijsh në Ballkanin Perëndimor është shumë e vështirë të besohet se diçka e tillë mund të arrihet pa pasur konflikt.

Ndërkaq, Jeta Krasniqi solli në vëmendje se duhet parë si do e pozicionojë kryeministri, Kurti veten në procesin e dialogut.

LEXONI GJITHASHTU: 

• Dokumenti ‘non-paper’, Vuçiç: Nëse shpresojnë se do të njohim Kosovën, kjo nuk do të ndodh
• NATO reagon për ‘non-paper’, Stoltenberg: Spekulimet për ndryshimin e kufijve shkaktojnë pasiguri për stabilitetin e rajonit
• ​Borrell reagon për ‘non-paper’: Janë lajme të rreme, dialogu nuk ka alternativë