Vlera e Shqipërisë përballë Anglisë, “Tre luanët” kushtojnë 13 herë më tepër

Kombëtarja e Anglisë do të jetë kundërshtari i parë i Shqipërisë në kualifikueset për Kupën e Botës.

Tre Luanët janë aktualisht kombëtarja më e shtrenjtë në botë, me një vlerë të përgjithshme prej 1.3 miliardë euro. Kjo shifër e bën Anglinë një nga ekipet më të fuqishme në futbollin ndërkombëtar.

Ndeshja mes Shqipërisë dhe Anglisë do të luhet më 21 mars në Wembley dhe pritet të jetë një sfidë tepër e vështirë për kuqezinjtë.

Në një krahasim të bërë mes vlerës totale të dy skuadrave, është e dukshme diferenca e madhe. Shqipëria, me një vlerë të përgjithshme prej 100 milionë euro, është ndoshta më e përulur në aspektin financiar, duke pasur një vlerë shumë më të ulët se Anglia. Saktësisht, Shqipëria vlen 13 herë më pak se kundërshtari i saj i radhës.

Lojtari më i shtrenjtë i kuqezinjve është Kristjan Asllani, mesfushori i Interit, me një vlerë prej 18 milionë euro. Ndërkohë, për Anglinë, lojtari më i vlefshëm është Jude Bellingham, me një vlerë prej 180 milionë euro.

LEXONI GJITHASHTU:

• Hoxha dhe Shehu: Ndeshja ndaj Anglisë e vështirë, por do të japim maksimumin
• Ish-futbollisti i Kombëtares, Alliu: Kush e zëvendëson Mario Mitajn ndaj Anglisë