“Tani do të fillojmë të studiojmë Serbinë”, Sylvinho: Me Andorrën, fitore e merituar
Shqipëria mori një fitore shumë të rëndësishme të hënën kundër Andorrës, duke vazhduar ëndrrën për kualifikimin në Botëror.
Pas përfundimit të sfidës, trajneri i Kombëtares, Sylvinho, doli në konferencën e shtypit ndërsa u shfaq tepër i kënaqur dhe e quajti fitoren një rezultat të merituar.
“Pas Anglisë, arritëm të bëjmë një ndeshje të mirë, pavarësisht se mendoj që edhe atje luajtëm mirë. Bëmë disa ndryshime strategjike për shkak të lodhjes së lojtarëve. Mendoj se kjo fitore ishte e merituar dhe është e rëndësishme pasi kemi disa kohë që nuk kemi marrë rezultate të tilla. Tani shohim përpara për ndeshjet e qershorit,” tha Silvinjo.
Silvinjo e vuri theksin në rëndësinë e çdo ndeshjeje, duke shpjeguar se për të arritur në Botëror, Shqipëria duhet të punojë shumë më tepër. “Ky grup është i vështirë, kualifikimi në Botëror është më i ndërlikuar, dhe ne duhet të bëjmë më shumë për të arritur aty,” tha ai.
Trajneri foli edhe për sfidën e ardhshme ndaj Serbisë, duke u shprehur i kënaqur me diversitetin e lojtarëve në skuadër.
“Do të fillojmë ta studiojmë Serbinë që tani, por jam i lumtur që kam shumë lojtarë me karakteristika të ndryshme që mund të përdorim në varësi të kundërshtarëve,” përfundoi Silvinjo.
Përsa i përket ndeshjes me Anglinë, ai theksoi përpjekjet e jashtëzakonshme të lojtarëve të tij, duke përmendur se Anglia është një kombëtare me shumë cilësi dhe mund të shkaktojë dëme të mëdha nëse nuk luan mirë.
“Anglia ka luajtur finale të Europianëve të fundit, dhe nëse nuk jemi të fokusuar mund të pësosh shumë gola. Lojtarët tanë kanë bërë shumë mirë,” tha trajneri.
LEXONI GJITHASHTU:
Presidenti Begaj reagon për vrasjen e efektivit në Korçë: Policia nuk do të zbrapset
Policia del me njoftim zyrtar: Si u vra efektivi dhe u plagos kolegu i tij, detajet nga operacioni
Vrasja e policit në Korçë, kush është autori dhe si hapi zjarr ndaj efektivëve pasi i pikasi
- 13:47 Vrasja e policit gjatë operacionit në Maliq, Lamallari nga Trauma: Hetim i thelluar mbi përgjegjësitë
- 13:36 Prishtina solidarizohet me Tiranën, protestë kundër investimit në Zvërnec
- 13:34 Samiti BE-Ballkani Perëndimor më 5 qershor, zbardhen pikat kryesore të agjendës
- 13:30 Plumba mbi policinë, vritet efektivi në krye të detyrës, plagoset kolegu i tij
- 13:28 Bordi i Transparencës publikon çmimet e reja të karburanteve, sa do shitet nafta dhe benzina
- 13:22 Presidenti finlandez propozon një BE me 40 anëtarë, përfshirë Kanadanë