U njohën në rrjete sociale, si 40-vjeçari drogoi dhe kreu marrëdhënie me 15-vjeçaren

Afrimiteti i krijuar prej kohësh në rrjetet sociale mes një të miture dhe një 40 vjeçari në Vlorë, bëri që ky i fundit të abuzonte seksualisht me të.

Mbrëmjen e 22 marsit, 40 vjeçari i identifikuar si Rinald Rakipaj, nën shoqërinë e mikut të tij, 33-vjeçarit me iniciale R.Q morën me makinë 3 vajza të mitura dhe më pas shkuan në hotel.

Pasi konsumuan alkool dhe drogë të llojit kokainë, 15-vjeçarja dhe 40-vjeçari kanë shkuar në një dhomë tjetër të hotelit ku kanë kryer marrëdhenie seksuale. Të gjithë këtë histori, vajza e penduar ia ka treguar të ëmës, e cila ka bërë edhe denoncimin në polici.

Fill pas këtij momenti, policia ka bërë arrestimin e Rinald Rakipaj, të cilin e ka përballur me provat filmike të siguruara nga hoteli ku kishin kaluar mbrëmjen 5 personat.

Rakipaj ka pranuar faktin që ka qenë në shoqërinë e personave në fjalë dhe ka treguar se 15-vjeçarja ka pranuar vetë të kryejë marrëdhënie seksuale me të. Ndërkohë dy vajzat e tjera të moshës 15 dhe 16 vjeçe kanë qëndruar me shokun e 40-vjecarit ku kanë konsumuar alkool dhe drogë të llojit kokainë.

Dosja ka kaluar në Prokurori dhe Rinal Rakipaj akuzohet për abuzim seksual me të mitur dhe nxitje për përdorimin e drogës, ndërsa në gjendje të lirë po hetohet 33-vjeçari me iniciale F.Q, banues në Vlorë.

LEXONI GJITHASHTU:

• I shoqi në kërkim për abuzim me të miturën, flet gruaja: Është familjar i rregullt
• Dhunoi bashkëshorten dhe ngacmoi seksualisht vajzën e saj të mitur, arrestohet