Përplasja SHBA-Kore, vendi aziatik: Amerika, qëndrim armiqësor ndaj Penianit

Korea e Veriut ka akuzuar sërish presidentin amerikan Joe Biden dhe anëtarët e administratës së tij se ndjekin një politikë armiqësore kundrejt Penianit, që rrjedhimisht do të kërkojë një përgjigje reciproke.

Komentet e zyrtarëve të vendit aziatik, të publikuara në agjencinë shtetërore të lajmeve KCNA, vijnë pasi Shtëpia e Bardhë deklaroi më 30 prill se, zyrtarët amerikanë kishin bërë një rishikim disamujor të politikës ndaj Koresë së Veriut.

Në një deklaratë, zëdhënësi i Ministrisë së Jashtme koreane akuzoi Uashingtonin për fyerje të dinjitetit të liderit suprem të vendit, kur bëri kritika për situatën e të drejtave të njeriut në Korenë e Veriut.

Në një deklaratë tjetër, Kwon Jong Gun, drejtor i përgjithshëm i Departamentit për Çështjet Amerikane në Ministrinë e Jashtme, citoi fjalimin e Biden në Kongres, ku presidenti tha se programet bërthamore në Korenë e Veriut dhe Iran përbëjnë kërcënime që do të adresohen përmes diplomacisë dhe masave të ashpra parandaluese.

“Fjalimi i  Biden ishte i patolerueshëm dhe një gafë e madhe,” – deklaroi Kwon, i cili shtoi se deklarata të tilla reflektojnë synimin e SHBA-së për të imponuar një politikë armiqësore ndaj Koresë së Veriut, sikurse ka bërë për gjysmë shekulli.

LEXONI GJITHASHTU:

• Turqia në izolim total, Erdogan merr vendimin pas rritjes së infektimeve dhe vdekjeve
• Bota ndihmon Indinë, mbi 3 500 të vdekur brenda 24 orëve nga COVID-19
• Festime duke zbatuar rregullt anti-COVID në Turqi, Greqi dhe Rusi