Kërkesa e Osmanit për tarifat, ministri Murati: Kur të merret vendimi, ju njoftojmë
Ministrin në detyrë i Financave Hekuran Murati ka reaguar ashpër ndaj kërkesës së shefes së shtetit Vjosa Osmani për heqjen e tarifave prej 10 për qind për produktet e SHBA-së, pasi kjo e fundit vendosi tarifën prej 10 për qind.
Ai ka thënë se tashmë kanë qenë duke e shqyrtuar këtë temë dhe kurdo që merret një vendim patjetër “që do t’ju njoftojmë me kohë”.
Murati në një postim në Facebook ka shkruar se kërkesa e Osmanit në email ishte dërguar në adresë të Qeverisë në ora 17:39, ndërsa ishte bërë publike në platformën X tre minuta më vonë – 17:42.
Ai ka thënë se kërkesën e Osmanit për heqje të tarifave ndaj produkteve amerikane e ka kuptuar nga mediat.
“Secili shtet serioz, këto çështje i trajton larg mediave, dhe publiku njoftohet kur të merret vendimi. Për më tepër, politikat fiskale bien në fushëveprimin e ekzekutivit, konkretisht ministrisë përgjegjëse për financa”, ka shkruar Murati.
Ai ka përkujtuar se në prill 2023, gjatë vizitës në Uashington, bashkë me zëvendëskryeministrin Besnik Bislimi kanë takuar përfaqësues të Departamentit të Tregtisë, me të cilët kanë diskutuar ndër tjera edhe temën e një marrëveshjeje për tregti të lirë me SHBA-në dhe se kjo çështje është përsëritur edhe nga kryeministri Albin Kurti në takimet me ish-ambasadorin amerikan Jeffrey Hovenier.
Murati thotë se Qeveria është e gatshme për të pasur tregti të lirë e pa asnjë barrierë tarifore apo jo-tarifore me Shtetet e Bashkuara të Amerikës dhe se dje kanë diskutuar me Kurtin mbi impaktet e mundshme nga vendimi i presidentit Donald Trump për vendosjen e tarifave ndaj të gjitha shteteve me të cilat SHBA-të kanë raporte tregtare.
“Fatmirësisht, Kosova bën pjesë në grupin e shteteve që u është vendosur shkalla tarifore minimale prej 10%. Marrë parasysh edhe vëllimin e vogël tregtar që kemi, impakti financiar i pasjes apo jo të një regjimi tarifor ka ndikim të vogël në ekonominë tonë”, ka shkruar Murati.
LEXONI GJITHASHTU:
Kryefaqja
Kurti kundër rikthimit të gjyqtarëve e prokurorëve serbë: Largimi i tyre ishte akt politik
Gjykata Themelore dënon me 2 vite burg dhe 5 mijë euro gjobë ish-kryetarin e Prishtinës, Shpend Ahmeti
Dështon mbledhja e Këshillit Gjyqësor të Kosovës, nuk merret vendim për kthimin e gjyqtarëve serbë
- 22:30 Rama shpjegon Paketën e Maleve sipas ChatGPT: Nuk favorizon të pasurit, por familjet me toka të trashëguara pa dokumente
- 22:19 Qiraxhi analizon reagimin e Ramës: Pse protesta ka vënë përballë përgjegjësisë të gjithë klasën politike
- 22:06 Armir Shkurti zbardh misionin e Kuvendit Kombëtar të protestës: Nuk është forcë politike
- 21:27 Gazetarja sjell detajet nga Roskoveci, nesër ceremonia mortore për Kosta dhe Belere Plakun
- 20:49 Mbi 65 mijë të evakuuar në Spanjë dhe Francë, zjarret dalin jashtë kontrollit
- 20:38 Trump sulmon BE-në pas gjobës ndaj Google: SHBA nuk është “banka derrkuci” e Evropës